Салідарнасць Мікалая Статкевіча і Паўла Севярынца
МЫ – ПЕРШЫЯ Ў БЮЛЕТЭНІ
НАШ НУМАР № 1
Хто мы?
Мы — Аб’яднанне беларускіх партый Народная Грамада і Беларускія Хрысціянскія Дэмакраты “Салідарнасць”.
Нашы лідары і ідэйныя натхняльнікі: Мікалай Статкевіч і Павал Севярынец!
Мікалай Статкевіч і Павал Севярынец – нязламныя змагары за вольную Беларусь!
Мы прадстаўляем палітычныя партыі — значыць палітычныя прафесіяналы.
Выбары — гэта заўсёды палітычная адказнасць, значыць там павінны ўдзельнічаць палітыкі. Тыя, хто ўжо ўмее рабіць сваю справу, а не толькі здольны да навучання!
Чаму мы ідзем на выбары ў Каардынацыйную Раду?
Мы хочам, каб Каардынацыйная Рада стала дэмакратычнай і празрыстай рэпрэзентатыўнай структурай!
Мы гатовыя браць на сябе адказнасць!
Нашы партыі былі пазбаўлены магчымасці рэгістрацыі ў Беларусі. Тым не менш, мы заўсёды бралі актыўны ўдзел у выбарчых працэсах у краіне. Таму ў нас ёсць палітычны досвед і палітычныя навыкі!
Нашы прынцыпы:
Беларусь будзе свабоднай і дэмакратычнай еўрапейскай краінай.
Усе палітычныя вязні павінны быць неадкладна вызвалены. Гандаль палітычнымі зняволенымі недапушчальны!
Мы не атрымалі паразу! Барацьба не скончана, старонка не перагорнута. Перамагае той, у каго хопіць волі і цярпення больш хаця б за пяць хвілін.
лукашэнка — вораг Беларусі і з ім можна весці перамовы толькі аб перадачы ўлады.
пуцінскі рэжым — вораг Беларусі і ўсяго дэмакратычнага свету.
Ціск на рэжымы павінен быць узмоцнены.
Дапамога ваюючай Украіне і нашым ваярам, якія змагаюцца за Свабоду!
У нас ёсць палітычная воля і жаданне працаваць у камандзе! Мы ўмеем дамаўляцца! Аб’яднанне палітычных партый Народная Грамада і Беларускія Хрысціянскія Дэмакраты – таму практычны прыклад.
Мы ідэалагічна розныя, але мы разам.
Мы разам – шырокая кааліцыя!
Мы разам – Салідарнасць дзеля свабоднай і дэмакратычнай Беларусі!
Жыве Беларусь!