У сераду, 24 лютага, запрашаем на літаратурныя заняткі! У госці да нас завітае Наста Карнацкая, супрацоўніца выдавецтва і кнігарні. Гаворка пойдзе пра асаблівасці беларускага кніжнага рынку. Даведемся, як увогуле выдаюцца кнігі, якія ў Беларусі ёсць выдавецтвы ды якія тэмы ў сучаснай беларускай літаратуры больш развітыя, якія менш.

Паразмаўляем таксама пра кнігі, якія чытаем і можам параіць адзін аднаму. Таму бярыце на сустрэчу сваю самую-самую любімую кнігу па-беларуску

Да абмену кніжнымі цікавосткамі далучыцца і нашая госця: спадарыня Наста робіць нямала літаратурных аглядаў, вядзе літаратурны тэлеграм-канал @bellitra і запісвае аднайменны падкаст. Таму, калі не ведаеце, што б такога пачытаць, – вам да нас!

24 лютага ў 19.00
Zoom (каб атрымаць спасылачку, адзначайцеся ў каментарах)