Прапагандыст Ігар Тур апублікаваў сёння тры відэа, якія нібыта зрабіў для іх абведзены вакол пальца актывіст Аксёнаў. Гэтыя відэа, па словах Тура, з паркоўкі польскіх спецслужбаў і прыводзяцца як доказ дзёрзкай аперацыі. Не факт, дарэчы, што гэта рабіў Аксёнаў. Але…
Уважлівае вока адразу зачэпіцца за нумары з рэгістрацыяй RZ – гэта Rzeszów на паўднёвым усходзе Польшчы. На адным відэа мы бачым надпіс Komenda Wojewódzka Policji. Забіваем у гугл гэтыя тры словы і назву горада Жэшув – і атрымліваем фота, так, здалёк бачны менавіта гэты будынак. Гэта вялікі і абсалютна адкрыты паркінг, побач з якім аўтобусны прыпынак. Там няма ніякай агароджы ці аховы. То бок, запаркавацца там можа любы жадаючы. У інтэрнэце мора фотак гэтага паркінга.
У адным крыле гэтага будынку сапраўды месціцца Агенцтва ўнутранай бяспекі, аналаг КДБ Беларусі. Але паркінг там зачынены, як бачна з гугл мапаў. І ніякага відэа адтуль, прынамсі ў апублікаваных Турам, няма. За тое на відэа трапіла шыльда Цэнтра псіхічнай падтрымкі.