З Латвіі ўцякло амаль усё насельніцтва, бо эканоміка краіны ў руіне. Прамысловасці няма, сельскую га…

З Латвіі ўцякло амаль усё насельніцтва, бо эканоміка краіны ў руіне. Прамысловасці няма, сельскую гаспадарку знішчылі. Уцякаць даводзіцца ў багацейшую Беларусь. Так сцьвярджае лукашэнкаўская прапаганда. Як прызналася адна з гераіняў БТ, якая ўцякла з Латвіі, у Беларусі яна ўдосталь нафоткалася на фоне пшаніцы і кукурузы, бо ў Латвіі іх нібыта няма, там расце адзін рапс, што дзяцей у Латвіі амаль няма, як і сваіх прадуктаў. Што латышы не ў стане сабе дазволіць больш за адно піва.

І я ўдзячны БТ. Ну шчыра. Калі б не яны, мне ў галаву не прыйшло б самому праверыць і знайсці інфармацыю, што па даходах ад экспарту пшаніцы Латвія сусветны рэкардсмен, па экспарце кукурузы – першая ў ЕС. Што нараджаюць латыскі больш, чым беларускі, што прадукцыйнасьць прамысловасці і сельскай гаспадаркі там вышэйшая, чым у Беларусі, а ВУП на аднаго жыхара ўтрая большы, чым у Беларусі і ўжо большы за $21 тысячу. Што малочных заводаў там больш як паўсотні, што піва яны п’юць больш за беларусаў. І, калі б не БТ, я б не пазнаёміўся з латыскім гісторыкам эканомікі Гатысам Круміньшам. Паглядзіце 15-хвіліннае відэа.

https://www.youtube.com/watch?v=_dKT2Ytuq2Y