Міжнароднае агенцтва па дыстрыбуцыі дакументальнага кіно Filmotor набыло правы на фільм беларускага рэжысёра Андрэя Куцілы «Лісты» (Letters From the Silenced Country) напярэдадні ягонай прэм’еры на Венецыянскім кінафестывалі, піша zerkalo са спасылкай на Variety. Фільм прысвечаны рэпрэсіям у Беларусі.
Filmotor будзе прадстаўляць карціну на сусветным рынку — кампанія зоймецца продажам правоў тэлеканалам і прасоўваннем стужкі на кінафестывалях. Яна грунтуецца ў Чэхіі і надае адмысловую ўвагу фільмам з Цэнтральнай Еўропы, у яе каталогу — карціны, адзначаныя Берлінале, Венецыянскім кінафестывалем і шматлікімі іншымі пляцоўкамі.
«Мы з нецярпеннем чакаем магчымасці паказаць «Лісты» свету. Гэта глыбока кранальны і мастацка значны партрэт супраціву ў сучаснай Беларусі», — напісала агенцтва ў Facebook.
Працяг па спасылцы.