Галоўнакамандуючы Ўзброенымі сіламі Ўкраіны заявіў пра расейскую пагрозу з боку Беларусі

Украінскі генэрал Аляксандр Сырскі сказаў, што вырасла верагоднасьць новага расейскага ўдару па Ўкраіне з тэрыторыі Беларусі.

«Тэндэнцыя да таго, што лінія фронту будзе павялічвацца. Вы ведаеце апошнія зьвесткі нашай выведкі, і заявы нашага прэзыдэнта пра пагрозу Расеі з боку Беларусі. Магчымыя апэрацыя на поўначы, гэта рэальна, і мы ведаем гэтыя зьвесткі, расейскі генштаб зараз актыўна пралічвае гэтыя апэрацыі».

Раней з падобнай заявай выступаў прэзыдэнт Ўкраіны Ўладзімір Зяленскі.