Брытанскі кароль пазбавіў брата тытулу прынца. Цяпер ужо былы прынц Эндру будзе вядомы як
Эндру Маўнтбэтэн-Віндзар. Таксама ён не зможа жыць у рэзідэнцыі, якая належыць каралеўскай сям’і.
Некалькі тыдняў таму пасля размовы з Карлам III Эндру адмовіўся ад іншых тытулаў. На новыя рашучыя меры кароль Вялікабрытаніі быў вымушаны пайсці праз з’яўленне новых доказаў сувязяў брата з сумна вядомым магнатам Джэфры Эпштэйнам. У прыватнасці, гэта звязана з выхадам кнігі адной з пацярпелых, якая заяўляе, што Эпштэйн “прадаў” яе ў падлеткавым узросце, пасля чаго яе прымушалі займацца сексам з Эндру.
“Сёння звычайная амерыканская дзяўчынка са звычайнай амерыканскай сям’і сваёй праўдай і незвычайнай мужнасцю перамагла брытанскага прынца”, — пракаментавалі ў сям’і пацярпелай пазбаўленне Эндру тытулаў.