СК абвясціў спецыяльную вытворчасць супраць байцоў палка Каліноўскага
Следчы камітэт Беларусі 16 кастрычніка распачаў спецыяльную вытворчасць супраць пяці байцоў палка імя Кастуся Каліноўскага, які ваюе на баку Украіны. У спіс увайшлі Вадзім Кабанчук, Аляксей Кавальчук, Аляксей Назараў, Дзяніс Прахораў і Павел Шурмей.
Ім інкрымінуюць шэраг артыкулаў Крымінальнага кодэксу, у тым ліку «стварэнне злачыннай арганізацыі», «тэрарызм», «здрада дзяржаве», «распальванне варожасці» і «дыскрэдытацыя Рэспублікі Беларусь».
У дакументах СК адзначаецца, што дата пачатку спецыяльнай вытворчасці — 16 кастрычніка 2025 года, а ўсіх абвінавачаных выклікаюць у Менск, на вул. Першамайскую, 7.