Ад усяго сэрца дзякуем кожнаму і кожнай з вас за тое, што былі разам з намі на Купаллі — чароўным сьвяткаваньні летняга сонцастаяння, дзе гучалі песьні, запальваліся вогнішчы, пляліся вянкі ды падтрымліваліся нашыя старадаўнія традыцыі
Вы — сапраўдныя стваральнікі гэтага сьвята: сваімі галасамі, энергіяй, рукамі і сэрцамі.
Купалле — гэта не проста відовішча, а супольны досвед, жывая спадчына, якая адбываецца тут і цяпер.
І тое, як мы адсьвяткавалі яго сёлета, — яскравае сведчаньне таго, што беларуская культура жыве і гучыць, дзякуючы менавіта вам!
Разьвітваемся да наступнага года, каб зноў сабрацца разам — пад адкрытым небам, з песняй, трыдыцыяй ды агнём.
А каб заставацца на сувязі, дзяліцца ўражаннямі і сачыць за наступнымі падзеямі,
падпісвайцеся на нашы сацыяльныя сеткі і тэлеграм-канал:
@etnacentr_svitanak
Цэлы год да наступнага Купалля няхай вас вядзе і сілкуе энергія стыхій —
каб і ў штодзённых справах вам дапамагалі:
рукі — чыстыя ад купальскай вады,
ногі — дужыя ад купальскіх карагодаў,
сэрцы — гарачыя ад купальскіх кастроў.
Да сустрэчы!