Сёння, 1 лістапада, беларусы Вільні адправіліся на гістарычныя могілкі Росы (Rasų kapinės), каб ушанаваць памяць суайчыннікаў, якія знайшлі тут свой апошні спачын.
Напярэдадні Дзядоў мы сабраліся разам, каб згадаць тых, хто жыў, тварыў і працаваў дзеля Беларусі, чые лёсы назаўсёды звязаныя з Вільняй.
Падчас сустрэчы Валерыя Чарнаморцава правяла экскурсію, прысвечаную беларусам, пахаваным на могілках Росы, іх жыццёвым шляхам і ўнёску ў нашу нацыянальную гісторыю і культуру.
Дзякуем усім, хто сёння далучыўся да ўшанавання памяці нашых суайчыннікаў!
Памяць пра мінулае яднае нас незалежна ад таго, дзе мы жывём сёння.
Сёння, 1 лістапада, беларусы Вільні адправіліся на гістарычныя могілкі Росы (Rasų kapinės), каб ушанаваць памяць суайчыннікаў, якія знайшлі тут свой апошні спачын. Напярэдадні Дзядоў мы сабраліся разам, каб згадаць тых, хто жыў, тварыў і працаваў дзеля Беларусі…