ГАЎ! ГЭТА ЗНОЎ Я, МОНЦІ!
Ну што, сябры. Я жывы. Пасля такога тыдня гэта першае, што я павінен вам паведаміць
БО DAPAMOGA СПОЎНІЛАСЯ 6 ГАДОЎ!
Мы доўга рыхтаваліся да гэтага дня: мае людзі нешта насілі, перастаўлялі, упрыгожвалі, прыбіралі, рэпеціравалі, гатавалі і ўвесь час кудысьці беглі. Я, натуральна, ажыццяўляў агульны кантроль
І вось у суботу Беларускі Замак нарэшце напоўніўся гасцямі, музыкай, размовамі, абдымкамі і смехам. Былі жывыя выступы, кірмаш майстроў і фуд-корт, творчыя майстар-класы, песні ля каміна, кватэрнік, капэля «Ойра», фаер-шоу і наша агульная «Купалінка»
І ТОРТ! Вялізны святочны торт!
Мушу прызнацца: краёчак торта я ўсё ж паспеў аблізаць
Не ведаю, чаму людзі зрабілі выгляд, што гэта не ўваходзіла ў афіцыйную праграму. На мой погляд, гэта быў важны этап кантролю якасці.
А яшчэ на Дзень нараджэння прыйшлі мае чацвераногія сябры! Таму пакуль людзі віншавалі адзін аднаго і слухалі музыку, мы як след набегаліся па Замку. Нарэшце хоць нехта на гэтым свяце займаўся сапраўды важнымі справамі!
Асобна дзякуй усёй вялікай камандзе, якая некалькі тыдняў стварала гэтае свята, і кожнаму і кожнай, хто прыйшоў правесці гэты дзень разам з намі.
Шэсць гадоў таму ўсё пачыналася з некалькіх людзей. А цяпер я гляджу на гэтую велізарную сям’ю і думаю: нічога сабе, колькі вас у мяне!
Але святам тыдзень, вядома, не абмежаваўся.
Dapamoga пабывала на сустрэчы беларускай дыяспары Літвы, арганізаванай Амбасадай Ірландыі. Дзякуй Паслу Ірландыі Séadhna Rose Mac Hugh за цёплы прыём, увагу да беларускай супольнасці і падтрымку беларусаў. Такія сустрэчы нагадваюць нам, наколькі важна працягваць расказваць пра Беларусь і заставацца пачутымі
А яшчэ выйшла вялікае інтэрв’ю з маёй мамай, Наталляй Калегавай.
Пра жыццё, пераезд у Літву, стварэнне Dapamoga, працу арганізацыі, Беларускі Замак, пройдзеныя за шэсць гадоў выпрабаванні і надзеі на будучыню.
Я па-ранейшаму чакаю, калі журналісты нарэшце зразумеюць, хто тут галоўны герой, і возьмуць інтэрв’ю ў мяне
А сёння мае людзі пасля ўсяго гэтага вырашылі… пайсці на квіз!
Адбыўся другі квіз новага сезона QUIZAVA, прысвечаны Вільнюсу, літоўска-беларускаму сяброўству і нашай супольнай гісторыі
І тут у мяне ёсць вельмі важная навіна:
КАМАНДА МАМЫ ПЕРАМАГЛА!
Я, вядома, зусім не здзіўлены. Усё ж такі яна жыве з вельмі разумным сабакам — нешта павінна было перадацца
І апошняе, але вельмі важнае. Наш святочны збор «6 гадоў — 6000 еўра» завяршаецца. Сабраныя сродкі пойдуць на камунальныя і гаспадарчыя выдаткі Беларускага Замка, каб наш агульны дом мог і далей жыць, прымаць людзей і дапамагаць.
Вось такі атрымаўся тыдзень: Дзень нараджэння, торт (правераны асабіста!), сабачыя забегі, Ірландыя, інтэрв’ю, Вільнюс і маміна перамога ў квізе.
Цяпер, думаю, я заслужыў добра выспацца.
А Dapamoga тым часам пачынае свой сёмы год.
З Днём нараджэння нас! І дзякуй, што вы побач!
Ваш Монці
Ну што, сябры. Я жывы. Пасля такога тыдня гэта першае, што я павінен вам паведаміць
БО DAPAMOGA СПОЎНІЛАСЯ 6 ГАДОЎ!
Мы доўга рыхтаваліся да гэтага дня: мае людзі нешта насілі, перастаўлялі, упрыгожвалі, прыбіралі, рэпеціравалі, гатавалі і ўвесь час кудысьці беглі. Я, натуральна, ажыццяўляў агульны кантроль
І вось у суботу Беларускі Замак нарэшце напоўніўся гасцямі, музыкай, размовамі, абдымкамі і смехам. Былі жывыя выступы, кірмаш майстроў і фуд-корт, творчыя майстар-класы, песні ля каміна, кватэрнік, капэля «Ойра», фаер-шоу і наша агульная «Купалінка»
І ТОРТ! Вялізны святочны торт!
Мушу прызнацца: краёчак торта я ўсё ж паспеў аблізаць
Не ведаю, чаму людзі зрабілі выгляд, што гэта не ўваходзіла ў афіцыйную праграму. На мой погляд, гэта быў важны этап кантролю якасці.
А яшчэ на Дзень нараджэння прыйшлі мае чацвераногія сябры! Таму пакуль людзі віншавалі адзін аднаго і слухалі музыку, мы як след набегаліся па Замку. Нарэшце хоць нехта на гэтым свяце займаўся сапраўды важнымі справамі!
Асобна дзякуй усёй вялікай камандзе, якая некалькі тыдняў стварала гэтае свята, і кожнаму і кожнай, хто прыйшоў правесці гэты дзень разам з намі.
Шэсць гадоў таму ўсё пачыналася з некалькіх людзей. А цяпер я гляджу на гэтую велізарную сям’ю і думаю: нічога сабе, колькі вас у мяне!
Але святам тыдзень, вядома, не абмежаваўся.
Dapamoga пабывала на сустрэчы беларускай дыяспары Літвы, арганізаванай Амбасадай Ірландыі. Дзякуй Паслу Ірландыі Séadhna Rose Mac Hugh за цёплы прыём, увагу да беларускай супольнасці і падтрымку беларусаў. Такія сустрэчы нагадваюць нам, наколькі важна працягваць расказваць пра Беларусь і заставацца пачутымі
А яшчэ выйшла вялікае інтэрв’ю з маёй мамай, Наталляй Калегавай.
Пра жыццё, пераезд у Літву, стварэнне Dapamoga, працу арганізацыі, Беларускі Замак, пройдзеныя за шэсць гадоў выпрабаванні і надзеі на будучыню.
Я па-ранейшаму чакаю, калі журналісты нарэшце зразумеюць, хто тут галоўны герой, і возьмуць інтэрв’ю ў мяне
А сёння мае людзі пасля ўсяго гэтага вырашылі… пайсці на квіз!
Адбыўся другі квіз новага сезона QUIZAVA, прысвечаны Вільнюсу, літоўска-беларускаму сяброўству і нашай супольнай гісторыі
І тут у мяне ёсць вельмі важная навіна:
КАМАНДА МАМЫ ПЕРАМАГЛА!
Я, вядома, зусім не здзіўлены. Усё ж такі яна жыве з вельмі разумным сабакам — нешта павінна было перадацца
І апошняе, але вельмі важнае. Наш святочны збор «6 гадоў — 6000 еўра» завяршаецца. Сабраныя сродкі пойдуць на камунальныя і гаспадарчыя выдаткі Беларускага Замка, каб наш агульны дом мог і далей жыць, прымаць людзей і дапамагаць.
Вось такі атрымаўся тыдзень: Дзень нараджэння, торт (правераны асабіста!), сабачыя забегі, Ірландыя, інтэрв’ю, Вільнюс і маміна перамога ў квізе.
Цяпер, думаю, я заслужыў добра выспацца.
А Dapamoga тым часам пачынае свой сёмы год.
З Днём нараджэння нас! І дзякуй, што вы побач!
Ваш Монці