У панядзелак, 20 ліпеня, Максім Знак сустрэўся з беларусамі Вільні ў Доме нацыянальных супольнасцяў Літвы.
Сустрэча прайшла ў цёплай і шчырай атмасферы. Максім падзяліўся ўспамінамі, развагамі пра перажытае, адказаў на пытанні прысутных і расказаў пра тое, што дапамагае захоўваць унутраную свабоду нават у самых складаных абставінах.
Працягам вечара стаў камерны канцэрт-кватэрнік. Разам са сваім сябрам і калегам, адвакатам Уладзімірам Пыльчанкам, Максім выканаў песні, якія стварылі асаблівую атмасферу шчырасці, падтрымкі і еднасці.
Дзякуем усім, хто прыйшоў на гэтую сустрэчу. Такія вечары нагадваюць, што, нягледзячы на гады рэпрэсій і вымушанай разлукі, беларусы працягваюць быць разам, падтрымліваць адзін аднаго і захоўваць пачуццё супольнасці.
