ВІКЕНЦІЙ КАНСТАНЦІН КАЛІНОЎСКІ Нацыянальны герой беларусаў, літоўцаў, палякаў.
Рэвалюцыйны дэмакрат, адзін з лідэраў нацыянальна-вызваленчага паўстання 1863–1864 гадоў. Паўстанцкія атрады пад кіраўніцтвам Каліноўскага дзейнічалі ў асноўным на тэрыторыі цяперашняй Беларусі і вялі ўзброеную барацьбу з войскамі Расійскай імперыі.
Паўстанне было разгромлена. У студзені 1864 года Каліноўскага, які хаваўся пад выдуманым імем у Вільні (Вільнюсе), схапілі царскія жандармы. Ваенна-палявы суд прыгаварыў яго да расстрэлу. Расійскі генерал-губернатар Міхаіл Мураўёў запатрабаваў і дабіўся павешання.
Каліноўскага пакаралі 22 сакавіка 1864 года на Лукішскай плошчы ў Вільні. Яму было 26 год.
