Пенсіянеры, актывісты, шматдзетныя бацькі: хто трапіў у спіс з 250 памілаваных палітвязняў
У выніку перамоваў з спецпасланнікам ЗША Джонам Коўлам рэжым Лукашэнкі памілаваў 250 асобаў. 15 палітзняволеных былі выдвараныя з краіны без дакументаў, а 235 — засталіся ў Беларусі. Палітвязняў з калоній і «хімій» пачалі выпускаць на наступны дзень.
Усе памілаваныя асобы знаходзіліся ў Спісе палітвязняў і асуджаных па палітычных крымінальных справах, якую вядуць праваабаронцы. «Вясна» прааналізавала спіс памілаваных і распавядае, каго з палітвязняў закранула гэтае рашэнне.
• Самым маладым з вызваленых палітвязняў па 20 гадоў, старэйшай — 70 гадоў;
• Мінімум 84 палізняволеныя былі затрыманыя ў 2025 годзе;
• Мінімум 42 фігуранты «справы Гаюна» памілаваныя. Сярод іх асуджаныя як да калоніі, так і да «хіміі», а таксама да «хатняй хіміі».
