Штогод 21 лютага ва ўсім свеце адзначаецца Міжнародны дзень роднай мовы — свята, якое нагадвае нам пра неабходнасць захавання і развіцця роднай мовы; павагу да моўнай разнастайнасці ў свеце; сувязь мовы з культурай, гісторыяй і традыцыямі народа. Міжнародны дзень роднай мовы быў абвешчаны на 30-й сесіі ЮНЕСКА у 1999 годзе.
Наша беларуская мова унікальная: вытанчаная, звонкая, мілагучная, з празрыстай, дзівоснай мяккасцю, якая кожнае слова робіць ласкавым. Беларуская мова прасякнута еўрапейскай далікатнасцю і насычаная славянскай сілай.
Не згаснуць зоркі ў небе сінім, Не знікне край наш дарагі, Пакуль жыве ў народзе мова — Жывуць і праўда, і сцягі.
