Папа Леў XIV прыняў адстаўку біскупа Паўла Пэцы і прызначыў Мікалая Дубініна Апостальскім адміністратарам

2 траўня 2026 г. Яго Святасць Папа Леў XIV прыняў адстаўку з пастырскага кіравання Мітрапалічай Архідыяцэзіяй Маці Божай у Маскве (Расійская Федэрацыя), прадстаўленую Яго Эксцэленцыяй Уладыкам Паўлам Пэцы (FSCB) і прызначыў Яго Эксцэленцыю біскупа Мікалая Дубініна (OFM Conv), дапаможнага біскупа, Апостальскім адміністратарам sede vacante той жа царкоўнай юрысдыкцыі.
Інфармацыя аб адстаўцы апублікавана ў штодзённым бюлетэні Залы Друку Апостальскай Сталіцы 2-га траўня 2026 года.