Божа розуму, Божа цудаў, жывая, вечнаплынная Крыніца мудрасці! Глянь ласкава на нашых настаўнікаў, што прасвятляюць наш розум і ўсяляюць у сэрцы дух мудрасці і разумення, дух парады і моцы, дух ведання і праўды, ісціны і дабрадзейнасці. Аддай ім, Падаўца святла, міласцю Тваёю і шчодрасцю за ўсе іхнія клопаты аб нашым духоўным поспеху; яві ім ласку міласэрнасці Тваёй за добрыя іхнія павучанні, за карысныя парады і настаўленні, якія яны засяваюць і ўкараняюць у розумах і сэрцах нашых, як добрае насенне; аддай ім за ўсё добрае нябеснымі і вечнымі Тваімі дабротамі, каб бачылі яны ў Табе, Божа, вечную Ісціну і каб цешыліся Святлом Яе на вякі вякоў у Валадарстве Тваім. Амін.