Свята Узнясення Гасподняга “Мужы Галілейскія! што вы стаіце і глядзіце на неба? Гэты Ісус прыйдзе …

Узнясенне Ісуса Хрыста на неба адносіцца да знамянальных падзей свяшчэннай гісторыі. Пасля яго бачная зямная прысутнасць Хрыста саступае месца Яго нябачнаму знаходжанню ў Царкве.

Хрыстос праслаўлены, Які знаходзіцца з Богам, адначасова знаходзіцца з намі “ва ўсе дні”. Ён знаходзіцца ў Царкве Сваёй, а праз яе – у свеце і для свету. У гэты дзень Царква пачынае чаканне Зыходу Святога Духа.

У Джона Дона, англійскага паэта метафізічнай школы, ёсць верш “A Valediction Forbidding mourning” – “Развітанне, якое забараняе сум”. Назва верша цудоўна перадае настрой свята Ушэсця.

Хрыстос адышоў, але Царква не смуткуе.