By Belkorpus 23 студзеня 2024 году ў санктуарыі Падляшскіх мучанікаў-уніятаў у прыбужскай вёсцы Пратулін (Польшча, Сядлецкая дыяцэзія), што за 30 км ад Берасьця, адзначылі 150-ю гадавіну з часу мучніцкай сьмерці блаславёнага Вінцэнта Леванюка і 12-і яго паплечнікаў.
Вітаючы сабраных у Пратулінскім санктуарыі, біскуп Сядлецкі Казімеж Гурда заўважыў, што ўрачыстасьць у гонар мучанікаў зьяўляецца нагодай для таго, каб выказаць удзячнасьць грэка-католікам за іх вялікую любоў да Хрыста і Ягонай Царквы.