By Belkorpus 
Памяць св. Альфонса Марыя дэ Лігуоры, біскупа і Доктара Царквы
Св. Альфонс (1696-1787) – багаслоў, заснавальнік Кангрэгацыі Найсвяцейшага Адкупіцеля (CSsR, рэдэмптарысты), Doctor zelantissimus (Доктар найруплівейшы). Кананізаваны ў 1831 годзе, у 1871 годзе прызнаны Доктарам Царквы, у 1950 годзе – святым апекуном спаведнікоў і маралістаў.
Св. Альфонс быў экспертам у тым, што сёння называецца пастырскім багаслоўем. За час сваёй пастырскай працы правёў больш за 500 місій і рэкалекцый. Больш за ўсё, аднак, ён паслужыў Царкве Хрыстовай як пісьменнік, адзін з самых пладавітых у гісторыі хрысціянства: яму належаць 111 духоўных кніг, выдадзеных на 72 мовах.
Рэдэмптарысты, заснаваныя св. Альфонсам, служаць таксама ў візантыйскім абрадзе, у т.л. у Беларусі. У Еўропе існуюць грэка-каталіцкія Львоўская правінцыя рэдэмптарыстаў ва Украіне і Міхайлавецкая віцэ-правінцыя ў Славакіі.
http://cssr.by/redemptarysty/svyatyya-i-blaslavjonyya/15-svyaty-alfons-liguory-1696-1787.html