Сёння ў Кіеве адбылася сустрэча прадстаўнікоў Палка Каліноўскага з Міжфракцыйным дэпутацкім аб‘яднаннем у Вярхоўнай Радзе Украіны «Дэмакратычная Беларусь».
На сустрэчы прысутнічалі народныя дэпутаты: Олексій Гончаренко, Вадим Галайчук, Софія Федина, Марія Мезенцева, Євгенія Кравчук, Ірина Геращенко, Микита Потураєв, Єгор Чернєв, Олександр Маріковський, Богдан Яременко, Сергій Швець.
Былі ўзняты пытанні беларуска-украінскіх адносінаў у кантэксце расейскай агрэсіі.
Украінскі бок выказаў павагу беларусам, якія змагаюцца са зброяй у руках за Украіну і задэклараваў жаданне супрацоўнічаць з Палком Каліноўскага, як з легітымным прадстаўніком беларускага народу.
Былі абмеркаваныя вайскова-палітычныя пытанні і планы развіцця Палка Каліноўскага.

Па выніках сустрэчы былі прыняты некалькі важных рашэнняў:
У адказ на запыт ваяроў Палка Каліноўскага дэпутаты Вярхоўнай Рады Украіны вырашылі запранаваць Кабінету Міністраў унесці змены ў Пастанову № 168-2022-п.
Таксама дэпутаты вырашылі вынесці на галасаванне пастанову аб прызнанні Беларусі часова акупаванай Расеяй тэрыторыяй.
Дамовіліся што дэпутаты Вярхоўнай рады Украіны разам з прадстаўнікамі Палка Каліноўскага будуць адстойваць інтарэсы беларускага народу ў Еўрапейскіх і сусветных парламенцкіх інстытуцыях АБСЕ, ПАРЭ, Парламенцкай асамблеі НАТА.

Бакі дамовіліся пра сталую супрацу з дэпутацкім корпусам Украіны ў рэчышчы вызваленчай барацьбы ўкраінскіх і беларускіх народаў.