“Удачы!” ці “Жыве Беларусь!”

На сустрэчы Рады міністраў АБСЕ фатограф Getty Images зрабіў вельмі цікавы здымак, калі Святлана Ціханоўская знаходзілася побач з прадстаўніком МЗС Беларусі Андрэем Дапкюнасам.

Святлана Ціханоўская расказала “Радыё Свабода”, што пабачыла таблічку «Беларусь»:
«Я ведала, хто гэта, падышла да яго і сказала яму: «Удачы!». Ён не чакаў мяне пабачыць, спалохаўся, я думаю, нічога не адказаў».

Калі б Святлана Ціханоўская сказала гэтаму лукашэнкаўскаму дыпламату “Жыве Беларусь!” было б вельмі сімвалічна і смешна.

Але не таму, што ў Беларусі амаль прыраўнялі гэты заклік-дэвіз да нацызму, а таму, што маці Андрэя Дапкюнаса, як паведамляе тг-канал Historyja, з’яўляецца ўнучатай пляменніцай Янкі Купалы – аўтара “Жыве Беларусь!”.



Беларусы Замежжа | Даслаць навіну