By Belkorpus Гандбольны клуб «Віцязь» з гонарам аб’яўляе аб вяртанні на гандбольную пляцоўку пасля часовага перапынку. Заснаваны ў 2012 годзе ў Мінску, клуб дасягнуў значных поспехаў, перш чым непрадбачаныя падзеі 2020 года вымусілі яго часова спыніць дзейнасць. Аднак, выконваючы абяцанне – «Мы яшчэ згуляем», – ГК «Віцязь» вяртаецца.
Падчас паўзы мы нястомна працавалі над тым, каб ГК «Віцязь» вярнуўся на пляцоўку больш моцным і канкурэнтаздольным. На дадзены момант мы вядзем перамовы з афіцыйнымі прадстаўнікамі федэрацыі гандбола Літвы і літоўскай гандбольнай лігай аб тым, каб наш клуб дапусцілі да ўдзелу ў чэмпіянаце Літвы па гандболе.
ГК «Віцязь» выказвае шчырую падзяку верным заўзятарам, якія падтрымлівалі клуб падчас яго часовай адсутнасці. У жніўні 2020-га мы падтрымалі народ, а вы засталіся з намі. Ваша нязменная падтрымка была крыніцай натхнення і матывацыі, і мы рады, што вы зноў з намі, калі мы разам адпраўляемся ў гэтае захапляльнае падарожжа.
Мы таксама дзякуем усім спонсарам і партнёрам, з якімі супрацоўнічалі ў мінулым. А ў дадзены момант мы вядзем шчыльную працу па прыцягненню новых партнёраў да ўзаемавыгаднага супрацоўніцтва. Натуральна, мы запрашаем усе зацікаўленыя бакі далучыцца да нас. Разам му будзем здольныя пабудаваць моцны клуб, які стане аб’яднаючай адзінкай беларусаў.
Запрашаем усіх аматараў гандбола, аматараў спорту і прадстаўнікоў СМІ стаць сведкамі нашага захапляльнага вяртання. Сачыце за абнаўленнямі нашага раскладу, аб’явамі каманд і іншымі цікавымі навінамі – падпішыцеся на нас у сацыяльных сетках.
Па пытаннях СМІ звяртайцеся:
Сяргей Свіркоў
Прэзідэнт клуба
[email protected]
TГ: @handballclubviciaz
Сацыяльные сеткі:
TG: t.me/viciaz
Instagram: instagram.com/hcviciaz
Facebook: facebook.com/hcviciaz
Vilnius, Lithuania
From Minsk, Belarus
Па пытаннях @handballclubviciaz