Еўрапарламент прыняў рэзалюцыю па Беларусі, што гаворыць пра тое, што міжнародная супольнасць салідарная з тымі, хто змагаецца за дэмакратыю, правы чалавека і вяршэнства закону.
LTG Cargo прыпыняе кантракты з тэрміналам клайпедскага порта, які часткова належыць “Беларуськалію”, у сувязі з пастаўкамі падсанкцыйнай прадукцыі з Беларусі.
Федэрацыя фехтавання Германіі адмяніла этап Кубка свету з-за рашэння FIE вярнуць на спаборніцтвы спартоўцаў з РБ і РФ.
Дзякуючы салідарнасці беларусаў удалося сабраць €10 379 на набыццё спецтэхнікі для атрада беларускіх добраахвотнікаў “Пагоня”.
Украінскія памежнікі вывесілі на мяжы з Беларуссю нацыянальны бел-чырвона-белы сцяг.
У Бостанскай ратушы ўпершыню ў гісторыі ўзнімуць нацыянальны флаг Беларусі.
Выстава рэпрэсаваных беларускіх мастакоў 17 сакавiка адкрылася у Варшаве.
Сервісы кампаніі Proton AG, у тым ліку электронная пошта з шыфраваннем Proton Mail і Proton Сalendar перакладзены на беларускую мову.
У Беларусі з’явіўся яшчэ адзін поўны пераклад Бібліі на беларускую мову.
Добрая навіна для аматараў і аматарак літаратуры: перазапусцілася “Літрадыё”.
Выйшаў у свет першы нумар навукова-папулярнага часопісу па-беларуску PAMYŁKA.
Саша Філіпенка — беларускі пісьменнік, чые творы перакладзены на 16 еўрапейскіх моў — прадставіў на Міжнародным літаратурным фестывалі LitCologne свой гістарычны раман “Крэмулятар” і сабраў поўную залу.
У рамках кінафестывалю “Берлінале” у гэтым годзе ўпершыню была прадстаўлена Беларуская незалежная кінаакадэмія.
На фінскім фестывалі кароткаметражнага кіно Tampere Film Festival перамогу атрымаў беларускі дакументаліст Руслан Фядотав.
Што яшчэ добрае здарылася? Пішыце.
Разам пераможам!