By Belkorpus Жвір быў ветэранам антыфашыстоўскага супраціва ў Беларусі.
За сваю дзейнасць у анархічным руху патрапіў пад рэпрэсіі і быў вымушаны пакінуць родны дом.
З таго моманта Жвір жыў у розных краінах і прымаў удзел у жыцці мясцовых антыаўтарытарных рухаў.
Ён актыўна ўключаўся ў дапамогу ўцекачам з Беларусі, бо на ўласным досведзе ведаў як цяжка страціць радзіму і не мець магчымасці вярнуцца дадому.
Сярод беларускіх антыфашыстаў, Жвір быў адным з тых, хто разумелі неабходнасць прамога дзеяння ў змаганні з дыктатурай і нарастаючым правым папулізмам.
Лагічным працягам гэтай ідэі стала паездка ва Ўкраіну, дзе ён змагаўся з пуцінскай тыраніяй і набліжаў вызваленне роднага края.
Апошнім часам Жвір не лічыў сябе анархістам і часткай анархічнага руху, але працягваў дапамагаць таварышам і да апошняга ўздыху заставаўся перакананым антыфашыстам і антыаўтарытарыем.
Сябар Жвір назаўсёды ў шыхце!