Еўрапейскія культурніцкія праекты могуць атрымаць менш грошай ужо ў 2027 годзе Рада ЕС прапануе змен…

Еўрапейскія культурніцкія праекты могуць атрымаць менш грошай ужо ў 2027 годзе

Рада ЕС прапануе зменшыць бюджэт Creative Europe — галоўнай праграмы ЕС для культуры і кіно — на 31,6 млн EUR у параўнанні з праектам Еўракамісіі. Найбольш страціць кірунак MEDIA: 23,2 млн EUR.

220 арганізацый — сярод іх IETM, On the Move і Ukrainian Institute — падпісалі адкрыты ліст, які ініцыявала Culture Action Europe. Яны просяць урады вярнуць 417,35 млн EUR, прапанаваныя Еўракамісіяй:

«Год за годам мы мусім абараняць фінансаванне супрацоўніцтва, якое ЕС, па ўласных словах, хоча ўмацоўваць»

2027-ы — апошні год праграмы Creative Europe. З 2028 года яе, разам з CERV+, павінна замяніць AgoraEU — праграма, якая аб’яднае развіццё культуры, медыя і дэмакратыі. Але і яна можа атрымаць менш, чым прапаноўвала Еўракамісія: паводле разлікаў Culture Action Europe, у новым праекце бюджэту ЕС на 2028–2034 гады яе фінансаванне скарочана прыкладна на 30%.

Па бюджэце на 2027 год інстытуцыі ЕС павінны дамовіцца да 16 лістапада.