Адпраўляемся на чарговую #станцыяІнстытутКультуры і знаёмімся з Reset! – адной з самых цікавых іні…

Адпраўляемся на чарговую #станцыяІнстытутКультуры і знаёмімся з Reset! – адной з самых цікавых ініцыятываў на еўрапейскай мапе незалежнай культуры і медыя.

У склад Reset! уваходзяць незалежныя медыя і культурніцкія арганізацыі: арт-пляцоўкі, рэдакцыі, фестывалі, радыё, кнігарні, даследчыя і адвакацыйныя ініцыятывы. Напрыклад, тут і Unsound (PL) — адзін з галоўных фестываляў эксперыментальнай музыкі, і De Structura (EE) — пан-еўрапейская ініцыятыва з Тарту, якая развівае патэнцыял маладых творцаў і будуе сувязі паміж мастацтвам і іншымі сектарамі (і абвесткі якой мы перыядычна посцім ад старту канала).
Поўны спіс членаў сеткі дакладна можа даць наводкі на цікавых партнёраў і партнёрак у краінах еўрапейскага і ўжо іншых кантынентаў.

Таксама Reset! можа быць асабліва карыснай для беларускіх ініцыятываў, якія працуюць са сваімі прафсупольнасцямі і зацікаўленыя ў тым, каб незалежная культура Беларусі была бачнай у Еўропе. Сетка адкрытая для новых удзельні(ц)каў — і далучэнне дае не толькі ўваход у вялікае кола аднадумцаў, але і канкрэтныя інструменты: ад нетворкінгу і супольных праектаў – да адвакацыі і ўдзелу ў палітычных дыскусіях.

У суправаджальных матэрыялах Reset! — палітычныя прапановы і Атлас незалежнай культуры і медыя, дзе сабраныя кейсы і падрабязны агляд незалежных ініцыятыў.

Гартайце падрабязнасці ў картках!

***
Калі вы ведаеце класныя прыклады арганізацый, суперадкрытых для партнёрстваў і працы, апроч іншага, з нашым кантэкстам, альбо хочаце пра пэўныя інстытуцыі даведацца больш, пішыце нам у каментары ці @sekktor_admin

***
Калі вы за межамі Беларусі — Telegram: @sekktor+@sekktor_chat.
Бяспечныя медыя: sekktor.online | Instagram | Facebook.