Мы працягваем праводзіць карыстальніцкія інтэрв’ю з людзьмі, якія цікавяцца беларускай культурніцка…

Запрашаем пазнаёміцца бліжэй! Вашыя адказы дапамогуць нам развіваць праект так, каб ён быў вам карысны.

Калі вы наведнік ці наведніца культ.падзей:
• Далучайцеся да анлайн-інтэрв’ю — з рэгістрацыяй у 2 клікі і да 30-40 хв. у зручным вам час. Мы задамо некалькі пытанняў пра тое, як вы арыентуецеся ў магчымасцях і публічных мерапрыемствах (падзеях) з беларускай культурніцкай прасторы, і ў якіх выпадках гэтай інфармацыі вам бракуе.
• Таксама нам будуць вельмі карысныя вашыя хуткія адказы ў гэтай кароткай анкеце (4-5 хв.) з 0 асабістых дадзеных.

Калі вы арганізатар ці арганізатарка:
• Запрашаем вас прайсці анлайн-інтэрв’ю (60-80 хв). Паразмаўляем аб практычных кроках, якія вы праходзіце, арганізуючы івэнт, каб зразумець, чым sekktor можа быць карысны вам і вашым калегам па прафесіі ў паскарэнні пошуку каманды, аўдыторыі, а можа, і падрадчыкаў.

Тэматычна мы факусуемся на беларускай афішы, але добрыя практыкі з лакальных замежных могуць гучаць у размове.

Працоўныя мовы: беларуская, руская.