Маргарыта Ворыхава: «Мая задача – абараняць правы і ствараць магчымасці для беларускай моладзі, дзе …

Маргарыта Ворыхава: «Мая задача – абараняць правы і ствараць магчымасці для беларускай моладзі, дзе б яна ні знаходзілася – унутры краіны або ў выгнанні»

Дарадца па моладзевай палітыцы і студэнцтву Маргарыта Ворыхава стварыла платформу «Гэта моладзь». Яна працуе дзеля таго, каб праблемы, ідэі і думкі моладзі былі пачутыя і падтрыманыя на самым высокім узроўні.

«Гэта моладзь» мае пяць ключавых напрамкаў:

Абарона правоў моладзі Беларусі;
Доступ да якаснай адукацыі і развіцця навыкаў;
Заахвочванне моладзевага ўдзелу ў дэмакратычных працэсах, каб нашыя галасы былі пачутыя на кожным узроўні;
Адвакацыя моладзевых інтарэсаў на міжнародным узроўні, каб свет ведаў пра нашыя патрэбы і барацьбу;
Падтрымка для тых, хто быў закрануты палітычнымі рэпрэсіямі.

Калі вам патрэбная падтрымка ці калі вы хочаце далучыцца да працы, звязацца можна праз:
Instagram «Гэта Моладзь».
электронную пошту [email protected]

Платформа з’яўляецца часткай Аб’яднанага Пераходнага Кабінета.