Сябры, у сераду, 3 сакавiка, у 19.00 госцем нашай анлайн-сустрэчы стане вядомы прафесійны музыка, мультыінструменталіст, этнограф Сяржук Доўгушаў. Ён распавядзе нам шмат цікавага пра свае творчыя накірункі, якія сёння ўжо перараслі ў грандыёзную культурніцкую справу.
Думаем, не кожны ведае, што Сяржук з’яўляецца заснавальнікам і кіраўніком установы «ЭтнаТрадыцыя» (TRADYCYJA), дзейнасць якой накіравана на захаванне, развіццё і папулярызацыю беларускай традыцыйнай культуры.
«ЭтнаТрадыцыя» – гэта кола беларускіх абрадаў, шматлікія фальклорныя фестывалі, рэканструкцыя традыцыйнага строю, самабытныя анлайн-сустрэчы.
Гэта і выпуск серыi ўнікальных CD-дыскаў – самага лепшага з беларускага фальклору, і канцэрты аўтэнтычных калектываў, і майстар-класы, і спеўныя сходы, этнаграфiчныя экспедыцыі…
Да таго ж Сяржук падзеліцца сваім досведам у папулярызацыі нашай традыцыйнай культуры за мяжой, і мы пачуем народныя спевы ў яго чароўным выкананні.
https://www.youtube.com/watch?v=bECiWhYd-qM
https://www.youtube.com/watch?v=0LhGfUHJtX8
https://www.youtube.com/watch?v=m1T-VdJG6_Y
https://www.youtube.com/watch?v=NjVe_TQRASk
Традыцыйны строй / Tradycyjny stroj (teaser)
Мы радыя прадставіць цізер праекта “Традыцыйны строй” і абвесціць прэм’еру першага відэароліка “Дамачаўскі строй”, якая адбудзецца на наступным тыдні.
Крыху пазней вас чакае відэаролік Маларыцкага строя.
Таксама мы рыхтуем штосьці яшчэ, але што – сачыце…
