By Belkorpus Тэма, канешне, шырэй, чым люстрацыя. Толькі адзінкі ня лічаць, што гісторыя супраціву пачалася з моманту іх далучэньня да супраціву. А мэта — найцяплейшае месца пад сонцам.
Вы яшчэ ўбачыце, як лідэры дэмакратычнай апазыцыі Карпянкоў і Азаронак будуць даваць нэгатыўныя ацэнкі цяперашнім палітвязьням — і слухаць іх будуць, раскрыўшы рты.
Ня верыце? Я б таксама не паверыў, палічыў бы абсурдам, калі б 12 красавіка 1995 мне сказалі, што праз нейкі час той, хто ўхваліў зьбіцьцё дэпутатаў, будзе ў “лідэрах дэмакратычнай апазыцыі”, а тыя, хто абараняў дэмакратыю і Незалежнасьць, апынуцца ва ўсім вінаватымі.
Беларусь — сапраўды краіна неверагодная. Літаральна ва ўсім. Адчуваньне, што Гасподзь абраў нас для нейкага адмысловага экспэрыменту, вось толькі сэнс яго адгадаць пакуль не ўдаецца. Хіба што – каб паказаць іншым народам, як ня трэба жыць.