Некалькі дзён таму Пуцін выступіў на пленарным паседжанні Сусветнага рускага сабора, дзе назваў вялікай памылкай «политику искусственного, насильственного разделения большой русской нации, триединого народа — русских, беларусов и украинцев».
Пуцін адкрыта заяўляе, што ніякай асобнай беларускай нацыі не існуе, што мы — неад’емная частка Расіі, рускай нацыі. Ідзе непрыкрытае паглынанне Беларусі пуцінскай Расіяй і ключавую ролю ў гэтым паглынанні адыгрывае па сутнасці ўжо акупацыйны рэжым Лукашэнкі.
Акупацыйны рэжым у Мінску ўстанаўлівае помнік наўгародскаму князю Аляксандру Неўскаму, а творчасць нашага класіка Дуніна-Марцінкевіча аб’яўляе экстрэмізмам. Са школьнай праграмы выкідваюць «Каласы пад сярпом тваім» Уладзіміра Караткевіча і скарачаюць колькасць гадзін вывучэння беларускай мовы ў школе, але затое ў Мінску на базе МДЛУ праходзіць форум, мэтай якога з’яўляецца «укрепление русского языка на международной арене, в первую очередь в странах СНГ».
І колькі б Лукашэнка і яго хунта не палохалі беларускі народ жаданнем Захаду напасці і захапіць нашу краіну, колькі б ён не выклікаў, што Расія нас абароніць і выратуе — усё гэта хлусня і падман. Пуцін нават Лукашэнку ратаваць не будзе, бо яму патрэбная тэрыторыя Беларусі і пажадана без беларусаў. А беларусам патрэбная свая краіна, свая родная Беларусь, свая мова і ідэнтычнасць.
І беларусы будуць гэта ўсё абараняць і ад Лукашэнкі і ад Пуціна і ад усіх здраднікаў і ворагаў Беларусі, якія прадаюць і здаюць нашу краіну. Будуць абараняць дзеля сябе, дзеля сваіх дзяцей і іх будучыні і дзеля памяці сваіх продкаў.
Россия поглощает Беларусь — заявление Путина
Несколько дней назад Путин выступил на пленарном заседании Всемирного русского собора, где назвал большой ошибкой «политику искусственного, насильственного разделения большой русской нации, триединого народа — русских, беларусов и украинцев».
Путин открыто…
