Украіна можа непублічна адрэагаваць на рэтрансьлятары ў Беларусі
Украіна можа непублічна адрэагаваць на працу ў Беларусі рэтрансьлятараў, якія дапамагаюць кіраваць расейскімі дронамі. Пра гэта «Позірку» заявіў амбасадар па асаблівых даручэньнях МЗС Украіны Яраслаў Чарнагор.
Паводле ўкраінскага боку, чатыры рэтрансьлятары ў Гомельскай вобласьці аднавілі працу ў верасьні. Яны павялічваюць далёкасьць палёту БПЛА і дазваляюць кіраваць імі ў рэжыме рэальнага часу.