By Belkorpus 
Гэта ўраджэнец Бабруйска Віктар Эмануілавіч Быхоўскі, які падчас Вялікага тэрору ў 1937–1938 гадах узначальваў сакрэтна-палітычны аддзел НКУС БССР, што займаўся беларускімі нацыяналістамі, піша Еўрарадыё са спасылкай на канал «Беларускі інстытут публічнай гісторыі».
У адным з дакументаў паведамляецца, што менавіта Быхоўскі «вёў справы на беларускага паэта Чарота і атрымліваў паказанні на “ворагаў народа”, былых беларускіх нацыяналістаў і ўдзельнікаў антысавецкай змовы».
Адзін з калегаў характарызаваў Быхоўскага, як «садыста і ліпача, здольнага сфабрыкаваць любую справу». За катаванні арыштаваных і фальсіфікацыі спраў у 1939 годзе ён сам быў асуджаны на 10 гадоў лагераў.
Міхася Чарота арыштавалі 24 студзеня 1937 года. Пасля шматлікіх допытаў і катаванняў ён прызнаў віну. Паэта расстралялі ў ноч з 29 на 30 кастрычніка 1937 года разам з іншымі прадстаўнікамі беларускай інтэлігенцыі.
На фота: Міхась Чарот і Віктар Быхоўскі