By Belkorpus 
Улады ЗША аднаўляюць фінансаванне «Радыё Свабода»
Агенцтва па глабальных медыя ЗША (USAGM) адклікае сваё рашэнне ад 15 сакавіка аб адмене гранта для «Радыё Свабодная Еўропа/Радыё Свабода» — пра гэта гаворыцца ў лісце, падпісаным старшым дарадцам кіраўніка агенцтва Кэры Лэйк, на якое звярнула ўвагу @novaya_europe. Такім чынам, грантавае пагадненне зноў уступае ў сілу.
Пры гэтым у дакуменце адзначаецца, што USA GM пакідае за сабой права адмяніць грант у будучыні.
Пасля абвяшчэння аб адмене гранта, медыяхолдынг падаў на агенцтва ў суд і дамогся часовай забароны на адмову ў фінансаванні. Да кастрычніка 2025 года «Радыё Свабода» павінна атрымаць ад федэральнага ўрада яшчэ 77 млн даляраў.