27 лістапада 1920-га года пачаўся Слуцкі збройны чын.”Дзень герояў”.Часам яго называюць Слуцкім паўс…

27 лістапада 1920-га года пачаўся Слуцкі збройны чын.
“Дзень герояў”.

Часам яго называюць Слуцкім паўстаннем, але гэта не зусім дакладна, бо паўстанне – унутраная справа, а ў дадзенным выпадку беларусы баранілі сваю дзяржаву, то бок адбівалі інтэрвенцыю звонку.

Фактычна гэта была беларуска-расейская вайна за незалежнасць Беларусі.

Асноўнай рухаючай сілай Слуцкага збройнага чыну было сялянства, якое супрацівілася савецкай палітыцы вайсковага камунізму і падтрымлівала ідэю незалежнасьці Беларусі, агалошанай 25 сакавіка 1918-га года радай Беларускай Народнай Рэспублікі.

Праз месяц паўстанцы ўжо не мелі баезапасаў, а пасля 28 снежня 1920-га вымушаны былі адыйсьці за раку Морач, дзе іх раззброілі польскія ўлады.

Напярэдадні баёў ваярам случчыны даслалі з Гародні сцяг з “Пагоняй”. На ім быў надпіс:
“Тым, якія першымі паўсталі і пайшлі паміраць, каб жыла Бацькаўшчына”.

Сення мы памятаем гэтыя падзеі,
як ключавы момант у імкненні беларусаў да волі і незалежнасьці Беларусі.

Skaityti lietuviškai ČIA

Зваротная сувязь: @Licvinybot

Нашыя сацыяльныя сеткі:
•Інстаграм
•Фэйсбук
•Тэлеграм LT

https://www.licviny.lt/