Актывістка «Еўрапейскай Беларусі», былая палітзняволеная, а цяпер яшчэ і валанцёрка Dapamoga Алена Лазарчык дала інтэрв’ю праекту «Обычное утро».
За яе плячыма — зняволенне, ціск і цяжкія выпрабаванні. Але нават за кратамі Алена здолела захаваць тое, што немагчыма адабраць сілай, — сваю ўнутраную свабоду.
У інтэрв’ю Алена распавяла:
Як ёй удалося не зламацца ў турме і захаваць унутраную свабоду.
Як на яе спрабавалі ціснуць праз маленькае дзіця.
Чаму беларускі рэжым баіцца гістарычнай памяці і людзей, якія не дазваляюць забываць мінулае.
Чым яна жыве сёння, праз месяц пасля пераезду ў Вільню, і як пачынае новы этап свайго жыцця.
Асабліва цёпла нам ад таго, што сёння Алена не толькі атрымлівае падтрымку, але і сама стала часткай валанцёрскай каманды Dapamoga.
Для нас гэта вельмі важна: калі чалавек, які прайшоў праз цяжкія выпрабаванні, знаходзіць у сабе сілы дапамагаць іншым.
Алена, дзякуй за вашу мужнасць, адкрытасць і гатоўнасць быць побач з тымі, каму патрэбная дапамога!
Запрашаем паглядзець інтэрв’ю Алены Лазарчык у праекце «Обычное утро»:
