ЖАНЧЫНА, ЖЫЦЦЁ, ВОЛЯ: ВЕЧАР ПРА ЖАНЧЫН І ДЛЯ ЖАНЧЫН
У суботу 7 сакавіка а 18:00, напярэдадні Міжнароднага жаночага дня, у Беларускім Замку адбудзецца вечар пра жанчын і для жанчын.
«Жанчына, Жыццё, Воля» — лозунг іранскіх дэмакратаў, але сёння гэтыя словы гучаць асабліва блізка і нам.
У беларускай гісторыі жанчына стала сімвалам неверагоднай сілы, мірных пераменаў і надзеі на светлую будучыню.
Яна — голас, які не маўчыць. Яна — памяць, якая не знікае. Яна — воля, якую немагчыма зламаць нават у калоніі.
У праграме вечара:
чытанне вершаў беларускіх (і ня толькі) паэтэс; квіз пра жанчын, якія змянялі і змяняюць свет; гісторыі пра жанчын-палітзняволеных; прастора салідарнасці і падтрымкі.
Партнер мерапрыемства – жаночы рух “Розовые косынки” (“Ружовыя хусткі”)
І традыцыйна на нашым мерапрыемстве будзе працаваць найлепшы беларускі бармэн Вільні Сяргей
