By Belkorpus 
«Беларусь: дарога да свабоды»
У Вільні на Ратушнай плошчы адкрылася выстава, прысвечаная падзеям апошніх двух гадоў у Беларусі.
Імя мастачкі не называецца з меркаванняў яе бяспекі.
«За мінулы год мастачка стварыла 100 малюнкаў, якія пераканаўча ілюструюць гвалтоўную рэакцыю рэжыму на мірныя пратэсты, правы чалавека і незалежныя СМІ, рост колькасці палітычных зняволеных, вайну ва Украіне і многае іншае. У многія яе творы ўплецена надзея на мір і лепшую будучыню для народа Беларусі», — гаворыцца ў апісанні выставы.
Таксама адзначаецца, што на момант напісання тэксту, рэжым Лукашэнкі працягваў утрымліваць больш за 1300 палітзняволеных, уключаючы палітычных дзеячаў, незалежных журналістаў і праваабаронцаў, такіх як Алесь Бяляцкі, лаўрэат Нобелеўскай прэміі міру 2022 года і заснавальнік «Вясны». Многія работы мастачкі прысвечаныя цяжкаму становішчу палітвязняў, у тым ліку яны заклікаюць пісаць ім лісты.
Карціны будуць экспанавацца ў Вільні да 16 лістапада, пасля чаго выстава адправіцца ў Каўнас.
У Вільні на Ратушнай плошчы адкрылася выстава, прысвечаная падзеям апошніх двух гадоў у Беларусі.
Імя мастачкі не называецца з меркаванняў яе бяспекі.
«За мінулы год мастачка стварыла 100 малюнкаў, якія пераканаўча ілюструюць гвалтоўную рэакцыю рэжыму на мірныя пратэсты, правы чалавека і незалежныя СМІ, рост колькасці палітычных зняволеных, вайну ва Украіне і многае іншае. У многія яе творы ўплецена надзея на мір і лепшую будучыню для народа Беларусі», — гаворыцца ў апісанні выставы.
Таксама адзначаецца, што на момант напісання тэксту, рэжым Лукашэнкі працягваў утрымліваць больш за 1300 палітзняволеных, уключаючы палітычных дзеячаў, незалежных журналістаў і праваабаронцаў, такіх як Алесь Бяляцкі, лаўрэат Нобелеўскай прэміі міру 2022 года і заснавальнік «Вясны». Многія работы мастачкі прысвечаныя цяжкаму становішчу палітвязняў, у тым ліку яны заклікаюць пісаць ім лісты.
Карціны будуць экспанавацца ў Вільні да 16 лістапада, пасля чаго выстава адправіцца ў Каўнас.