Святлана Ціханоўская: «Вялікі дзякуй усім, хто падтрымаў Дзень Салідарнасці і выйшаў на акцыі – беларусам Літвы, Польшчы, Грузіі, Амерыкі, Чэхіі і іншых краінаў свету. І, канечне, я хачу асабліва падзякаваць беларусам у Беларусі, якія далучыліся да акцыяў салідарнасці, хоць гэта вельмі небяспечна.

Дзякуй кожнаму і кожнай з вас за тое, што памятаеце пра нашых палітвязняў, падтрымліваеце адно аднаго, але галоўнае – не губляеце любові да роднай Беларусі.

Ведаеце, і ўчора на мітынгу, і ў жывым эфіры, і кожны дзень я адчуваю вашую падтрымку. Без яе нават не магу ўявіць сабе, як бы працягвала працу. Але ведаю: я не адна. І як бы цяжка часам не было, памятайце, мы разам крок за крокам ідзем да зменаў.

Дзякуй за тое, што вы побач. Жыве Беларусь!»