Што трэба дадаць у Стратэгію пераходу да Новай Беларусі? Чакаем вашыя прапановы

Як і любыя змены ў жыцці дзяржавы, рэформы падчас пераходнага перыяду патрабуюць падтрымкі грамадства. Без актыўнага ўдзелу людзей у рэалізацыі Стратэгіі пераходу да Новай Беларусі ўстойлівых вынікаў не дасягнуць.

Шырокае грамадскае абмеркаванне дазволіць улічыць меркаванні і экспертызу большага кола людзей, і скарэктаваць моманты, якія патрабуюць дапрацоўкі. Калі ласка, азнаёмцеся з дакументам па гэтай спасылцы, а пасля – падзяліцеся сваім меркаваннем.

Дзе можна пакінуць сваё меркаванне?

Вы зможаце падзяліцца ідэямі і прапановамі, выказаць меркаванне па ўдасканаленні асобных пунктаў ці нават артыкулаў праз платформу «Новая Беларусь».

Як гэта зрабіць?

– перайдзіце па гэтай спасылцы (не забывайцеся карыстацца VPN і прыбіраць лічбавыя сляды);
– для ўваходу ў сістэму скарыстайцеся любой электроннай поштай (лепш, каб яна не мела асабістых дадзеных);
– клікніце на раздзел, які вам цікавы, і пакіньце свае прапановы, каментары і заўвагі.

Далучайцеся да грамадскага дыялогу на платформе «Новая Беларусь»!