Сілавічкі могуць шукаць беларусаў, якія былі паблізу экранаў падчас трансляцыі звароту Ціханоўскай. Па звестках @bypolofficial, людзей плануюць вылічыць па камерах і даных мабільных аператараў.

“Усім, хто быў ці мог апынуцца побач, мы рэкамендуем праверыць свае тэлефоны, месэнджары і выдаліць усё, што можа хоць неяк вас скампраметаваць”, — піша BYPOL.

Зварот Святланы Ціханоўскай дапамагло арганізаваць аб’яднанне беларускіх сілавікоў у выгнанні BELPOL. Сузаснавальнік BYPOL Аляксандр Азараў называе акцыю заўчаснай і шкоднай для плана “Перамога”.