Напярэдадні Дня Волі, Беларуская дыяспара Беластока размясціла насупраць консульства РБ вялікі банэр «Свабоду беларускім палітвязням!»
«Беларусы Беластока нагадваюць: палітвязні — гэта людзі, якія пацярпелі за сваю пазіцыю, за праўду, за жаданне жыць у свабоднай і дэмакратычнай краіне. Кожны з іх мае імя, гісторыю і права на волю.
Мы заклікаем міжнародную супольнасць не маўчаць і працягваць ціск на рэжым, каб спыніць рэпрэсіі і дамагчыся неадкладнага вызвалення ўсіх палітычных зняволеных».