Ціханоўская разам з прэзыдэнтамі Польшчы і Літвы ўшанавала памяць паўстанцаў Каліноўскага ў Варшаве
У Польшчы гэтае паўстаньне называюць Студзеньскім і адзначаюць яго пачатак 22 студзеня. На землях былога ВКЛ паўстаньне пачалося 1 лютага.
Мерапрыемства адбылося ў Варшаве на тэрыторыі Варшаўскай цытадэлі, паведамляе прэс-служба Сьвятлана Ціханоўскай. Цырымонія прайшла з удзелам ганаровай варты польскага войска. Падчас урачыстасьцяў з прамовамі выступілі прэзыдэнт Караль Наўроцкі і прэзыдэнт Літвы Гітанас Наўседа.
