Гэты адмысловы міжнародны дзень ладзіцца, каб прыцягнуць увагу грамадзянскай супольнасці і дзяржаўных органаў да стана адвакатаў у канкрэтнай краіне, якая выбіраецца кожны год. У 2025 годзе Міжнародны дзень адваката ў небяспецы быў прысвечаны сітуацыі ў Беларусі. Ва ўмовах палітычнага пераследу працягвае працаваць Юрыдычная служба «Вясны», якая абараняе правы чалавека ва ўмовах палітычнага крызісу ў краіне. Важна, што Юрыдычная служба не толькі дае кансультацыі, але і дапамагае скласці скаргі і звароты ў дзяржаўныя органы. А таксама — у міжнародныя органы.
«Улічваючы крызіс адвакатуры ў краіне, вельмі важна захоўваць для людзей унутры Беларусі альтэрнатыўныя бяспечныя магчымасці атрымаць юрыдычную дапамогу».
