«Не толькі ў 2020 годзе пачаліся рэпрэсіі». 4 жніўня — Міжнародны дзень салідарнасці з грамадзянскай супольнасцю і праваабарончым рухам у Беларусі
Міжнародны дзень салідарнасці з грамадзянскай супольнасцю Беларусі сёлета адзначаецца ўжо ў чатырнацццаты раз. Дата 4 жніўня была абраная не выпадкова — менавіта ў гэты дзень у 2011 годзе быў арыштаваны праваабаронца Алесь Бяляцкі. Нягледзячы на вызваленне Алеся ў 2014 годзе, прадстаўнікі грамадзянскай супольнасці заявілі, што не збіраюцца адмаўляцца ад правядзення Дня салідарнасці.
Размаўляем пра гэты дзень з праваабаронцай Аленай Лапцёнак.
«Трэба паказваць грамадству, тым людзям, якія ў тыя часы яшчэ былі маленькія, і магчыма не ведалі, былі падлеткамі, не цікавіліся, а зараз гэта ўжо дарослыя людзі — паказваць, што прага да дэмакратычных пераменаў у беларусаў фактычна была нават да пачатку незалежнасці».
