Якое слова выбраць, калі пачуваемся вінаватымі? Маем выбар для розных сытуацыяў. — Прабач! Прабачце (каму? мне)! — выраз будзённы, але бывае і ўрачысты: „Ты прабач, Ты прымі свайго сына, За Цябе яму ўмерці дазволь“. („Пагоня” Багдановіча) — Выбачай! Выбачайце (мне)! Маўляў, прапусьці маю віну міма вачэй. — Даруй, даруйце (мне)! Выраз больш эмацыйны. Літаральна — падаруй літасьць пасьля сур’ёзнай правіны. — Перапрашаю (каго? вас)! Выраз падкрэсьлена вышуканы і далікатны.
