Былы супрацоўнік адміністрацыі прэзідэнта Анатоль Котаў у інтэрв’ю Еўрарадыё

Аб тым, чаму трэба вучыцца беларусам
Калі не вучыцца пэўныя рэчы рабіць, то ніколі не навучышся. Нам трэба вучыцца палітычнай культуры, трэба вучыцца парламентарызму, трэба вучыцца размаўляць паміж сабой. Iначай усё не вельмі ружова рысуецца, што можа адбывацца далей, нават у выпадку пераменаў.

Аб праблемах на баку рэжыму
Там [на баку рэжыму] няма людзей, якія вельмі сябруюць адзін з адным. Толькі робіцца гэта пад дываном: нейкія дакладныя запіскі пішуцца, даносы. Усё гэта мае месца, таму не трэба жыць ілюзіяй, што толькі тут [у стане дэмакратычных сіл] магчымыя нейкія праблемы.

Аб важнасці яднання
Трэба вучыцца размаўляць з людзьмі, якія адзін аднаму не падабаюцца. Таму што ворагі не тут. Адзіны вораг – ён там. І аб гэтым не трэба забываць. Тое, што адбылося – аб’яднанне штабоў у 2020 годзе, у гэтае таксама ніхто не верыў. Людзі не ведалі, але рызыкнулі, таму мы дамагліся больш за тое, што адбывалася папярэднімі палітычнымi кампаніямі.

Крыніца

Яднайся ў суполкі!
@supolka_by | @jadnajsia_bot