By Belkorpus Сення, 25 сакавіка, на Дзень Волі фонд «Краіна для жыцця» і Fundacja «Dissidentby» запускаюць кампанію «Пакуль усе не будуць вольныя», дзе вядомыя беларусы і беларускі будуць падтрымліваць нашых палітычных зняволеных не толькі інфармацыйна, але і напрамую. У той час, калі свет спрабуе справіцца з усведамленнем вайны, людзі часткова забыліся пра палітвязняў у нашай краіне. На вялікі жаль, працэс барацьбы з дыктатурай не атрымаўся хуткім. Замест чаканага спрынту мы атрымалі доўгі крос, з вялікай колькасцю перашкод і падводных камянёў.
На гэтым працяглым шляху мы, неабыякавыя і салідарныя,- адзіныя, хто можа быць голасам ізаляваных ад грамадства людзей. Эфектыўная падтрымка чалавека ў зняволенні не можа быць разавай. Толькі рэгулярнае ўключэнне палітычных актараў, апазіцыйных лідэраў, сусветнай супольнасці і дыяспар, а таксама жыхароў/ак краіны можа гарантаваць захаванне фізічнага і псіхалагічнага здароўя дысідэнтаў і іх блізкіх. Акрамя таго, людзі ўнутры краіны часта запалоханыя і не гатовы гаварыць аб сваіх блізкіх з-за страху пераследу. Тым гучней павінен быць голас тых, хто такую магчымасць мае, знаходзячыся па-за дасяжнасцю крывавых лап дыктатуры.
Як гэтага дасягнуць?
Найбольш чуваць у сучасным свеце галасы вядомых прадстаўнікоў/іц праваабарончай супольнасці, грамадзянскіх актывістаў/ак, апазіцыйных лідэраў/ак і журналістаў/ак. Менавіта яны маглі б узяць папячыцельства над тым ці іншым вязням/вязынкай рэжыма, каб абараняць інтарэсы зняволенага/ай на розных медыя-пляцоўках, у СМІ, агучваць праблемы не размытых тысяч палітвязняў, а канкрэтнага чалавека і яго сям’і.
Па ўсім пытанням на конт удзела ў кампаніі можна звярнуцца праз наш бот@StranafundPZ
Далучайцеся!