Амстэрдамскі музей шукае суаўтараў для 12-га выпуску свайго часопіса. Тэма – «дыяспары»

Stedelijk Studies Journal – гэта высакаякасны рэцэнзаваны навуковы часопіс ад музея Stedelijk, #Амстэрдам. Змяшчае даследаванні, звязаныя з уласна калекцыяй музея, даследуючы гісторыю інстытутаў, музеязнаўства і актуальныя тэмы ў галіне мастацтва і дызайну.

Куратары часопісу прапануюць падыскутаваць на тэму «ДЫЯСПАРЫ» [а мы ж можам, так?] – у шырокім сэнсе: перамешчанні плыняў і дыффузію людзей, а разам з імі – аб’ектаў і ідэй. Збіраюцца гісторыі людзей і саміх прадметаў, развагі аб кантэкстах, стратэгіі ўтварэння, устойлівасць дыяспар. Аўтары таксама вывучаюць магчымасці музеяў, якія сёння змагаюцца з абавязкам быць культурнымі пасярэднікамі ў дыскурсе – на тэму міграцый у тым ліку.

Ганарар за абраную для публікацыі працу: 400 EUR.

Што падрыхтаваць:
– рэферат альбо мастацкі твор (да 300 словаў/ да 5 малюнкаў)
– CV.

Ддл: 1 сакавіка 2022

Падрабязней – тут.

#крытыка #даследванні #музей #Нідэрланды #тэксты